خود سے جدا

جو ڈھونڈتا ہوں جہاں میں، وہی صدا ہوں میں
خود اپنے آپ سے برسوں سے جدا ہوں میں

جواب ڈھونڈنے نکلا تھا اپنے ہونے کا
خبر ملی کہ میں خود اپنی ندا ہوں میں

نہ منزلوں کی تمنا، نہ راستوں کا گلا
میں اپنے آپ پہ برسوں سے فدا ہوں میں

میں آئینہ تھا، زمانے کی دھول نے ڈھانپا
دھندلے عکس میں اب بھی وہی ادا ہوں میں

طبیب شہر کے کہتے ہیں لا علاج ہے یہ
کسے خبر کہ میں خود اپنی خطا ہوں میں

ملا نہ خود سے میں اپنے ہی شہر میں رہ کر
میں اپنے در کا ہی ٹھکرایا گدا ہوں میں